«Պաշտպանության, անվտանգության և ոստիկանության հատուկ ջոկատների համատեղ գործողությամբ մենք վերականգնել ենք Լուիշ Հարային և Ֆերնանդո Մարմանին, ովքեր առևանգվել էին Նիր Յիցխակից հոկտեմբերի 7-ին ՀԱՄԱՍ-ի հարձակման ժամանակ», -ասել է Իսրայելի պաշտպանության ուժերի խոսնակ Դանիել Հագարը:

Հագարի խոսքով՝ հատուկ ջոկատայինները ներխուժել են Ռաֆահի կենտրոնում գտնվող շենքը տեղական ժամանակով 13:49-ին, որից հետո օդային ուժերը սկսել են անվտանգություն ապահովել։ Մի քանի րոպե անց երկու պատանդներին ազատ են արձակել և տեղափոխել անվտանգ վայր։ Նրանք տեղից տարհանվել են ուղղաթիռով։

Պաղեստինյան Կարմիր Խաչի տվյալներով՝ անցած գիշեր Ռաֆահի վրա իսրայելական հարձակման հետևանքով զոհվել է ավելի քան 100 մարդ։ Ենթադրվում է, որ շատ մարդիկ դեռ մնացել են փլատակների տակ: