Իսրայելի պաշտպանության բանակը երկրի կենտրոնական հատվածի բնակիչներին հորդորում է ապաստարաններից հեռու չգնալ: Համապատասխան նախազգուշացումը Իսրայելի պաշտպանության բանակը տարածել է Իրանի կողմից սպասվող հարձակման մասին տեղեկությունը տարածելուց հետո։

Իսրայելի կենտրոնական մասի բնակիչներին զգուշացվում է զերծ մնալ դրսում, եթե խիստ անհրաժեշտություն չկա, օդային հարձակման նախազգուշացման դեպքում վազել ապաստարաններ։

Իսրայելական գործակալությունը հայտնել է, որ Իսրայելի հակաօդային պաշտպանության համակարգերը լիովին պատրաստ են Իրանի ցանկացած հարձակման, պատրաստ են նաև երկրի դաշնակիցները։

Ինչպես ավելի վաղ նշել էր Սպիտակ տան բարձրաստիճան պաշտոնյան, ԱՄՆ-ը նշաններ է տեսնում, որ Իրանը պատրաստվում է բալիստիկ հրթիռներով հարձակվել Իսրայելի վրա: