Իսրայելը զգուշացնում է Իրաքին, որ եթե իրանամետ կիսառազմական ուժերը շարունակեն հարձակումները Իսրայելի վրա, Իսրայելը հարվածներ կհասցնի Իրաքի թիրախներին: Այս մասին հայտնում է «Սաուդյան Էլաֆ» գործակալությունը։

Ինչպես գործակալությանը հայտնել է անանուն աղբյուրը, Իսրայելն արբանյակների միջոցով տեղեկություն է ստացել, որ Թեհրանն աշխատում է բալիստիկ հրթիռներ և հարակից սարքավորումներ Իրաքի տարածք տեղափոխելու վրա՝ դրանք օգտագործելու Իսրայելի վրա սպասվող հարձակման համար։

Հայտնի է նաև, որ Իսրայելը վերահսկում և բացահայտում է Իրանի կողմից աջակցվող այս խմբավորումների հսկողության տակ գտնվող օբյեկտները և զգուշացնում է Բաղդադին վերահսկել իր երկրում գործող ուժերը, դադարեցնել նրանց օգտագործել Իրաքի տարածքը Իսրայելի վրա հարձակվելու համար: