Հրթիռային հարձակման պատճառով Իսրայելը ծրագրում է պատասխան հարձակում իրականացնել Իրանի վրա, որի թիրախը կարող է լինել նավթավերամշակման գործարանները և միջուկային օբյեկտները:

Այս մասին տեղեկություն է հրապարակում «Աքսիոս»-ը՝ հիմնվելով Իսրայելի կառավարության ներկայացուցիչների վրա։

Հրատարակությունը գրում է, որ Իսրայելը մի քանի օրից կարող է պատասխան հարձակում սկսել։

Ըստ հրատարակության, Իսրայելի կառավարության անդամները նշում են, որ հնարավոր են նաև նպատակային սպանություններ և Իրանի հակաօդային պաշտպանության համակարգերի չեզոքացում։

Ըստ «Աքսիոս»-ի՝ իսրայելցի երկու պաշտոնյաներ ասել են, որ անվտանգության կաբինետի մի քանի ժամ տեւած նիստն ավարտվել է այն գիտակցմամբ, որ կլինի Իսրայելի ռազմական պատասխանը:

Իրանը սպառնացել է Իսրայելին, եթե Իսրայելը ուժով պատասխանի հրթիռային հարձակմանը, Թեհրանը նորից կհարձակվի Իսրայելի վրա։