Համասը պետք է զինաթափվի և ազատ արձակի պատանդներին, հակառակ դեպքում Ղազան կոչնչացվի,- ասել է Իսրայելի պաշտպանության նախարար Իսրայել Կացը։

Նա ասել է, որ Ղազա քաղաքի անկումը կհանգեցնի Համասի անկմանը։

«Մենք Համասից ուզում ենք միայն երկու բան, և նրանք դա կամավոր չեն անի. բոլոր պատանդների ազատ արձակում և զինաթափում։ Այս հարձակման իրական ուժը ուղղակիորեն պարտության է մատնում Համասին և նաև ավելի մեծ լծակներ է ստեղծում պատանդներին ազատ արձակելու համար։ Մենք ուզում ենք վերահսկողություն հաստատել Ղազա քաղաքի նկատմամբ, քանի որ այսօր այն Համասի կառավարման գլխավոր խորհրդանիշն է։ Եթե Ղազան այսօր ընկնի, նրանք նույնպես կընկնեն», – ասել է Կացը 162-րդ դիվիզիայի շտաբ այցելության ժամանակ, որի զինվորներն այժմ գործում են Ղազա քաղաքում։