Իսմայիլ Բաղեյ – Սիոնիստական ռեժիմը դեռևս խախտում է Լիբանանում իր պարտավորությունները, այս հարցը կլինի այսօրվա բանակցությունների քննարկման հիմնական թեման
Իրանի արտաքին գործերի նախարարության խոսնակ Էսմայիլ Բաղեյի խոսքով՝ այսօրվա բանակցությունների քննարկման հիմնական թեման կլինի Լիբանանում Իսրայելի և «Հեզբոլլահ»-ի միջև շարունակվող հակամարտությունը։ Այս մասին հաղորդում է Sky News-ը՝ հղում անելով Իրանի պետական լրատվական գործակալությանը։
Լրատվամիջոցների հաղորդագրությունների համաձայն՝ բանակցությունների օրակարգում կլինի նաև Իրանի սառեցված ակտիվներին մուտք գործելու վերականգնման և իրանական նավթի վաճառքի համար լիցենզիաներ տրամադրելու հարցը։
«Սիոնիստական ռեժիմը դեռևս խախտում է Լիբանանի վերաբերյալ իր պարտավորությունները, այս հարցը կլինի այսօրվա բանակցությունների քննարկման հիմնական թեման», – ասել է Էսմայիլ Բաղեյը։
Ինչպես գրում է Sky News-ը, ամերիկյան կողմի տվյալներով՝ բանակցությունները նպատակ ունեին լուծել Իրանի միջուկային ծրագրի հարցը, չնայած այս թեման չի նշվել Իրանի արտաքին գործերի նախարարության խոսնակի հայտարարության մեջ։