Իշխող կուսակցության պատվիրակությունը Իրակլի Կոբախիձեի գլխավորությամբ մեկնել է Չինաստան
Իշխող կուսակցության պատվիրակությունը «Վրացական երազանքի» նախագահ Իրակլի Կոբախիձեի գլխավորությամբ մեկնել է Չինաստանի Ժողովրդական Հանրապետություն։
Կուսակցության մամուլի ծառայության փոխանցմամբ՝ պատվիրակությունը բարձր մակարդակի հանդիպումներ կունենա Պեկինում և Շանհայում։ Նրանց տվյալներով՝ հանդիպումները տեղի կունենան Չինաստանի Կոմունիստական կուսակցության միջազգային հարաբերությունների վարչության նախագահ Լյու Ցզինչաոյի և նրա տեղակալ Սուն Խայանի հետ։
«Վրացական կողմը կհանդիպի նաև Պետխորհրդի Զարգացման հետազոտական կենտրոնի փոխնախագահ Չանգ Լայմինգի և Ազգային Ժողովրդական Կոնգրեսի մշտական խորհրդի նախագահի տեղակալ Սյաո Ցզեի հետ։
Պատվիրակության կազմում են՝ խորհրդարանի նախագահի առաջին տեղակալ Գիորգի Վոլսկին, խորհրդարանի փոխնախագահ Իրակլի Չիքովանին, արտաքին հարաբերությունների հանձնաժողովի նախագահ Նիկոլոզ Սամխարաձեն, ոլորտային էկոնոմիկայի և տնտեսական քաղաքականության հանձնաժողովի նախագահ Դավիթ Սոնղուլաշվիլին, Ագրարային հարցերի հանձնաժողովի նախագահ Նինո Ծիլոսանին և Սպորտկոմիտեի նախագահի առաջին տեղակալ Վիկտոր Սանիկիձեն։
«Վրացական երազանքի» պատգամավորների այցը Չինաստանի Ժողովրդական Հանրապետություն կշարունակվի հունվարի 14-ից հունվարի 20-ը»,- հայտնել են կուսակցության մամուլի գրասենյակից։