Մայրաքաղաքում բնակվող ևս 58 ընտանիքների հատկացվել է բնակելի տարածք՝ մեկ լարի խորհրդանշական գնով։ Մայրաքաղաքի քաղաքապետ Կախա Կալաձեն սեփականության վկայականներ է հանձնել Իսանի, Կրծանիսի և Մթածմինդա շրջաններում բնակվող ընտանիքներին։ Տեղեկությունը տարածում է Թբիլիսիի քաղաքապետարանը։

Թբիլիսիի քաղաքապետը շնորհավորել է նշված ընտանիքներին տարածքների օրինականացման կապակցությամբ և ասել, որ ծրագիրը կշարունակվի նաև ապագայում։

«Այսօր սեփականության վկայականներ ենք հանձնել 58 ընտանիքի։ Դա շատ կարևոր ծրագիր է, որը մենք իրականացնում ենք 2017 թվականից։ Շատերին օգնեցինք, շատ ընտանիքների ուրախացրինք։ Ուզում եմ ևս մեկ անգամ դիմել քաղաքացիներին, եթե բնակելի տարածքի օրինականացման խնդիր ունեք, ապա անպայման դիմեք ձեր թաղապետարանին, որտեղ մանրամասն կբացատրեն, թե ինչ փաստաթղթեր են անհրաժեշտ քաղաքապետարան ուղարկելու համար։ համապատասխան միջոցներ կձեռնարկվեն։ Եվս մեկ անգամ շնորհավորում եմ այս ընտանիքներին։ Մենք անպայման կշարունակենք այս հաջող ծրագիրը և հնարավորինս կաջակցենք բոլորին»,- ասել է Կախա Կալաձեն։

Մայրաքաղաքի քաղաքապետարանի տվյալներով՝ 2018 թվականից մինչ այժմ բնակելի տարածքները օրինականացվել են 2500 ընտանիքի։ Բացի այդ, Թբիլիսիի քաղաքապետարան են ներկայացվել օրինականացնել ցանկացողների հարյուրավոր դիմումներ, որոնք փուլ առ փուլ ուսումնասիրվում և բավարարվում են տարածքներով։

Մայրաքաղաքի քաղաքապետի հետ միասին ներկա են եղել գույքի կառավարման գործակալության ներկայացուցիչները, Իսանիի և Մթածմինդայի գամգեբելիները՝ Նիկա Էլիսաշվիլին և Դավիթ Կիրկիտաձեն, ինչպես նաև Իսանի և Կրծանիսի շրջանների մեծամասնական պատգամավորները։