Իռլանդիան պաշտոնապես ճանաչել է Պաղեստին պետությունը։ Իռլանդիայի կառավարությունը նշված որոշումը կայացրել է կառավարության նիստում։

«Կառավարությունը ճանաչում է Պաղեստինը որպես ինքնիշխան, անկախ պետություն և համաձայնել է լիարժեք դիվանագիտական ​​հարաբերություններ հաստատել Դուբլինի և Ռամալլայի միջև։ Իռլանդիայի դեսպան կնշանակվի Պաղեստին Պետությունում»,- ասվում է Իռլանդիայի կառավարության հայտարարության մեջ։

Իռլանդիայի վարչապետ Սայմոն Հարիսը, սակայն, նշել է, որ այս քայլն ուղղված է խաղաղության հույսի պահպանմանը։

«Իռլանդիայի այս որոշումը կապված է հույսը վառ պահելու հետ: Այն համոզմունքն է, որ երկու պետությունների լուծումը միակ ճանապարհն է Իսրայելի և Պաղեստինի համար կողք կողքի խաղաղ և անվտանգ ապրելու համար: Ես ևս մեկ անգամ կոչ եմ անում Իսրայելի վարչապետ Բենիամին Նեթանյահուին լսել աշխարհին և դադարեցնել հումանիտար աղետը, որը մենք տեսնում ենք Գազայում»,- ասել է Սայմոն Հարիսը։

Հիշեցնենք՝ Իսպանիան այսօր պաշտոնապես ճանաչեց Պաղեստին պետությունը։