Իռլանդիան որոշում է կայացրել առանց վիզայի ռեժիմ մտցնել դիվանագիտական անձնագրեր ունեցող Վրաստանի քաղաքացիների համար
Իռլանդիան որոշում է կայացրել առանց վիզայի ռեժիմ մտցնել դիվանագիտական անձնագրեր ունեցող Վրաստանի քաղաքացիների համար։
Իռլանդական կողմի գնահատմամբ՝ դա կօգնի սերտ կապերի հաստատմանը եւ երկկողմ հարաբերությունների խորացմանը։
Այս մասին նշվել է Իռլանդիայի փոխվարչապետ, արտաքին գործերի նախարար Միհո Մարտինի և Վրաստանի արտաքին գործերի նախարար Իլիա Դարչիաշվիլիի հանդիպման ժամանակ։
Կողմերը ողջունել են նշված որոշումը և հույս հայտնել, որ որոշումը կնպաստի ապագայում Վրաստանի քաղաքացիների համար վիզային ռեժիմի պարզեցման աշխատանքներին, որն ակտիվորեն ընթանում է։
Տեղեկությունը տարածում է Վրաստանի արտաքին գործերի նախարարությունը։