Միջազգային հանրապետական ինստիտուտի (IRI) հարցման համաձայն, հարցին, թե որ երկիրն են համարում Վրաստանի կարևորագույն գործընկեր, հարցվածների 69 տոկոսը նշել է Միացյալ Նահանգները, 54 տոկոսը՝ Եվրամիությունը, 23 տոկոսը՝ Ուկրաինան, 17 տոկոսը՝ Ադրբեջանը և 13 տոկոսը Թուրքիային:
Միևնույն ժամանակ, հարցվածների 55 տոկոսը Վրաստանի ամենակարևոր տնտեսական գործընկեր է անվանում ԱՄՆ-ը, 39 տոկոսը՝ Եվրամիությունը, 29 տոկոսը՝ Թուրքիան, 21 տոկոսը՝ Ուկրաինան և 21 տոկոսը՝ Ադրբեջանը:
Ուսումնասիրությունն իրականացվել է Միջազգային հանրապետական ինստիտուտի հետազոտական կենտրոնի անունից՝ Բալթյան ուսումնասիրությունների և Գելափ կազմակերպության ներկայացուցիչ դոկտոր Ռասա Ալիշաուսկինեի կողմից, 2021 թվականի փետրվարի 2-26-ը: Դաշտային աշխատանքներն իրականացվում էին «IPM»-ի կողմից:
Տվյալները հավաքագրվել են շերտավորված բազմաստիճան պատահական ընտրության մեթոդով՝ դեմ առ դեմ հարցազրույցների միջոցով: Նմուշում ներառվել է քվեարկելու իրավունք և տարիք ունեցող 1500 մասնակից: Տվյալները գնահատվել են ըստ տարիքի, սեռի, շրջանի և բնակավայրի չափի: Սխալը +/- 2.5 տոկոս է, արձագանքի ցուցանիշը՝ 75 տոկոս: Ուսումնասիրությունը հնարավոր է դարձել իրականացնել ամերիկյան ժողովրդի աջակցությամբ՝ Միացյալ Նահանգների միջազգային զարգացման գործակալության միջոցով:
