IRI. Հարցվածների 65 տոկոսը երկրի առջև ծառացած ամենակարևոր խնդիր է համարում տնտեսությունն ու գործազրկությունը

18:31, 05.04.2021

Միջազգային հանրապետական ինստիտուտի (IRI) կողմից անցկացված հարցման արդյունքների համաձայն, հարցվածների 65 տոկոսը երկրի առջև ծառացած ամենակարևոր խնդիր է համարում տնտեսությունն ու գործազրկությունը: Հարցվածների 37 տոկոսը կարծում է, որ երկրում հիմնական խնդիրը գների աճն է և կյանքի պայմանների վատթարացումը:

26 տոկոսը որպես հիմնական խնդիր նշում է աղքատությունը: 16 տոկոսը կարծում է, որ երկրում հիմնական խնդիրը կորոնավիրուսն է:

Ուսումնասիրությունն իրականացվել է Միջազգային հանրապետական ինստիտուտի հետազոտական կենտրոնի անունից՝ Բալթյան ուսումնասիրությունների և Գելափ կազմակերպության ներկայացուցիչ դոկտոր Ռասա Ալիշաուսկինեի կողմից, 2021 թվականի փետրվարի 2-26-ը:

Դաշտային աշխատանքներն իրականացվում էին «IPM»-ի կողմից: Տվյալները հավաքագրվել են շերտավորված բազմաստիճան պատահական ընտրության մեթոդով՝ դեմ առ դեմ հարցազրույցների միջոցով: Նմուշում ներառվել է քվեարկելու իրավունք և տարիք ունեցող 1500 մասնակից: Տվյալները գնահատվել են ըստ տարիքի, սեռի, շրջանի և բնակավայրի չափի: Սխալը +/- 2.5 տոկոս է, արձագանքի ցուցանիշը՝ 75 տոկոս: Ուսումնասիրությունը հնարավոր է դարձել իրականացնել ամերիկյան ժողովրդի աջակցությամբ՝ Միացյալ Նահանգների միջազգային զարգացման գործակալության միջոցով: