Իրավունք չունենք բաց թողնել ազատության պաշտպանության հնարավորությունը, հետևաբար անհրաժեշտ են բողոքի ցույցեր. Գիգա Բոկերիա

10:33, 23.02.2021

Մեր պարտքն է հիմա արձագանքել, հակառակ դեպքում պակաս վտանգավոր դիրքում գտնվող երկրները կընկնեն ավտորիտարիզմի ճահիճ: Մենք իրավունք չունենք բաց թողնել մեր ազատությունը պաշտպանելու հնարավորությունը,- այս մասին «Ազգային շարժման» նախագահ, Նիկա Մելիայի ձերբակալությունից հետո հայտարարել է «Եվրոպական Վրաստանի» առաջնորդ Գիգիա Բոկերիան:

Նրա խոսքով, հանրահավաքները կշարունակվեն այնքան ժամանակ, քանի դեռ արդյունքի չեն հասնի:

«Ուստի ցույցերն անհրաժեշտ են: Այսօր ժամը 15:00-ին հավաքվելու ենք կառավարության գրասենյակի մոտ: Մենք նաև կքննարկենք հետագա ցույցերի մասին: Հանրահավաքները կշարունակվեն այնքան ժամանակ, քանի դեռ չենք հասել այն արդյունքին, որն անհրաժեշտ է երկրին:

Ես չեմ սիրում կանխատեսել մեր գործընկերների փոխարեն, նրանց հայտարարություններն իրենք ասում են իրենց մասին: Մենք տեսել ենք, թե ինչպես են ավարտում օլիգարխները, ովքեր դեմ են իրենց ժողովրդի ազատությանը և ազատ աշխարհին», – հայտարարել է Գիգա Բոկերիան:

Այսօր ձերբակալել են «Միասնական ազգային շարժման» նախագահ Նիկա Մելիային:

Հեղինակ - edgar barsegyan

Քաղաքական

Гига Бокериа