Վրաստանի վարչապետ Գիորգի Գախարիան այսօրվա արտակարգ ասուլիսի ժամանակ խոսել է կորոնավիրուսով Մարնեուլիում վարակման մասին և նշել, որ վարակման աղբյուրը դեռևս անհայտ է:
Նրա խոսքով, այս պահին մենք ունենք վարակի ներքին տարածում:
Բացի այդ, Գախարիայի հայտարարությամբ, համավարակաբանների կանխատեսմամբ, ներքին փոխանցումը տեղի է ունեցել ծիսային միջոցառման ժամանակ:
«Այսօրվա դրությամբ կորոնավիրուսով վարակված է 54 մարդ, 3 254-ը գտնվում է կարանտինում: Մարտի 21-ին հայտարարվել է արտակարգ դրություն: Այսօր մենք ունեցանք բարդ դեպք, Մառնեուլիում ունենք վարակված կին, որի վարակման աղբյուրը դեռևս բացահայտված չէ: Սա այն դեպքն է, որի մասին մենք խոսել ենք, որ սկսվելու էր ներքին տարածումը:
Մեր համավարակաբանների կանխատեսմամբ, ներքին փոխանցումը տեղի է ունեցել ծիսական միջոցառման ժամանակ, որին մասնակցել են տասնյակ մարդիկ: Իրավիճակը բարդ է, և սա այն հիմնական մարտահրավերն է, որը մենք անվանում ենք անցում դեպի տարածման նոր փուլ, որի համար պատրաստված ենք: Չնայած այդ նախապատրաստմանը, իրավիճակը բարդ է: Վրաստանի կառավարությունը որոշում է կայացրել, որ Մառնեուլիի և Բոլնիսիի շրջանները անցնում են խիստ կարանտինային ռեժիմի»,- ասել է Գիորգի Գախարիան:
