Վրաստանի ՆԳՆ Թբիլիսիի ոստիկանության բաժանմունքի աշխատակիցները օպերատիվ միջոցառումների եւ քննչական գործողությունների արդյունքում ձերբակալել են Թբիլիսիի Ջավի փողոցում սպանության մեջ մեղադրվող 1964 թվականին ծնված Վ.Ք.-ին:

«Քննությամբ պարզվել է, որ տարբեր հանցագործությունների համար դատապարտված մեղադրյալը այս տարվա դեկտեմբերի 23-ին Թբիլիսիի Ջավի փողոցում նախկինում ունեցած անձնական կոնֆլիկտի պատճառով կրակել է 1976 թվականին ծնված Բ.Օ.-ի վրա և թաքնվել: Վիրավորը տեղում մահացել է։ Ոստիկանությունը, ձեռնարկված թեժ օպերատիվ միջոցառումների և քննչական գործողությունների արդյունքում, դեպքից երկրորդ օրը ձերբակալել է հանցագործություն կատարած անձին»,- հայտնում են ՆԳՆ-ից։

Հետաքննությունն անցկացվում է Վրաստանի քրեական օրենսգրքի 108-րդ հոդվածով, որը ենթադրում է դիտավորյալ սպանություն։ Հանցագործությունը պատժվում է ազատազրկմամբ՝ տասից 15 տարի ժամկետով։