Իրանում հայտարարում են, որ իրենց նավահանգիստների վրա ցանկացած հարձակում խոցելի կդարձնի Պարսից ծոցի բոլոր նավահանգիստները։

Իրանի ռազմական խոսնակ Էբրահիմ Զոլֆաղարին ասել է, որ ռազմավարական վայրերում անվտանգության ապահովումը կոլեկտիվ հարց է՝ ընդգծելով, որ նման անվտանգությունը պետք է վերաբերի բոլոր կողմերին կամ ոչ մեկին։

Իրանի ռազմական խոսնակը շեշտել է, որ Իրանի զինված ուժերը երկրի ազգային իրավունքների պաշտպանությունը համարում են բնական և իրավական պարտավորություն, այդ թվում՝ երկրի տարածքային ջրերի նկատմամբ ինքնիշխանության իրականացումը։

«Թշնամու կողմին կապված նավերը իրավունք չունեն և չեն ունենա անցնելու Հորմուզի նեղուցով։ Մյուս նավերին թույլատրվելու է անցնել նեղուցով՝ համաձայն Իրանի Իսլամական Հանրապետության զինված ուժերի կանոնակարգերի», – ասել է Իրանի ռազմական խոսնակը։