Իրանի միջուկային ծրագրի դադարեցումը «պատրանք» է, ասել է Իրանի նախագահ Մասուդ Ֆեզեշկիանը։

Իրանի նախագահի խոսքով՝ Իրանի տարածքում ուրանի հարստացումը կշարունակվի ապագայում՝ միջազգային իրավունքի շրջանակներում։

«Միջուկային հնարավորությունները մեր գիտնականների մտքում են, այլ ոչ թե մեր օբյեկտներում: Մենք կտրականապես դեմ ենք միջուկային զենքի տիրապետմանը: Սա մեր քաղաքական, կրոնական, մարդկային և ռազմավարական դիրքորոշումն է», – նշել է Մասուդ Ֆեզեշկիանը։

Իրանի նախագահը նաև հաստատել է Իրանի պատրաստակամությունը բանակցությունների, որոնք չեն զրկի նրան խաղաղ նպատակներով ուրանը հարստացնելու իրավունքից, բայց հաստատել է, որ «ապագա ցանկացած բանակցություն պետք է անցկացվի փոխշահավետ տրամաբանությամբ»։

Մասուդ Ֆեզեշկիանը նաև հաստատել է Իսլամական Հանրապետության պատրաստակամությունը նմանատիպ կերպով արձագանքել Իսրայելի ռեժիմի կողմից միջուկային ծրագրի դեմ ուղղված ցանկացած նոր ագրեսիայի։