Իրանի հոգևոր առաջնորդի խորհրդական. Դոնալդ Թրամփը դավաճանում է դիվանագիտությանը՝ երկարաձգելով ծովային շրջափակումը
Իրանի հոգևոր առաջնորդի ռազմական խորհրդական Մոհսեն Ռեզաեիի խոսքով՝ «շարունակելով ծովային շրջափակումը և բանակցությունների ընթացքում չափազանց մեծ պահանջներ ներկայացնելով», Թրամփը կրկին ցույց է տվել, որ ինքը հետաքրքրված չէ իրական բանակցություններով և ունի այլ նպատակներ։
«Ինչպես և սպասվում էր, սա արդեն երրորդ անգամն է, որ Միացյալ Նահանգների նախագահը դավաճանում է դիվանագիտությանը», – ասել է Ռեզաեին։
Նրա խոսքով՝ նախորդ երկու միջադեպերը կապված էին Իրանի դեմ ռազմական գործողությունների հետ, որոնք, նրա գնահատմամբ, տեղի էին ունենում Իրանի և Միացյալ Նահանգների միջև անուղղակի միջուկային բանակցությունների ֆոնին։