Իրանի արտաքին գործերի նախարար Հոսեյն Ամիրաբդոլահյանը հայտարարել է, որ Իրանն ու Միացյալ Նահանգները քննարկել են ՀԱՄԱՍ-ի և Իսրայելի և Հեզբոլլահի միջև վերջին չորս ամիսների ընթացքում շարունակվող պատերազմը:

Հոսեյն Ամիրաբդոլահյանի խոսքով, ԱՄՆ-ը Թեհրանին խնդրել է հորդորել Հըզբոլլահին ամբողջությամբ չներքաշվել Իսրայելի դեմ պատերազմին: Ամիրաբդոլահյանը նաև զգուշացրել է Իսրայելին Լիբանանի դեմ որևէ քայլ ձեռնարկելուց, որը կհանգեցնի ավելի լայն պատերազմի՝ ասելով, որ եթե դա անի, ապա դա կլինի Իսրայելի վարչապետ Բենիամին Նեթանյահուի վերջին օրը:

«Ցանկացած քայլ Սիոնիստական ​​ռեժիմի կողմից Լիբանանի վրա լայնածավալ հարձակման ուղղությամբ կլինի Նեթանյահուի վերջին օրը և վերջ կտա տարածաշրջանում ստատուս քվոյին: Գազայի հատվածում և Հորդանան գետի Արևմտյան ափին տեղի ունեցող զարգացումները քաղաքական լուծումից բացի այլ լուծում չունեն։ Երկու երկրները՝ Իրանն ու Լիբանանը, հաստատում են, որ պատերազմը լուծում չէ, և մենք երբեք չենք փորձել ընդլայնել այն»,- ասել է Իրանի արտգործնախարարը։