Իրանի արտաքին գործերի նախարարության խոսնակ. Իրանը լուրջ, անկեղծ և մանրամասն քննարկումներ է ունեցել եվրոպական «եռյակի» հետ միջուկային հարցերի շուրջ, երկու կողմերն էլ հանդիպմանը եկել են կոնկրետ գաղափարներով
Իրանը լուրջ, անկեղծ և մանրամասն քննարկումներ է ունեցել եվրոպական «եռյակի» հետ միջուկային հարցերի շուրջ, ասել է բանակցություններին մասնակցած Իրանի արտաքին գործերի նախարարի իրավական և միջազգային հարցերով տեղակալ Քազեմ Ղարիբաբադին։
Ըստ Ղարիբաբադիի՝ բանակցություններին մասնակցել է նաև Իրանի արտաքին գործերի նախարարի քաղաքական հարցերով տեղակալ Մաջիդ Թախթրավանչը։
«Քննարկվել են պատժամիջոցների վերացման և միջուկային հարցի վերաբերյալ վերջին զարգացումները։ Մեր ժողովրդի դեմ վերջերս ագրեսիվ պատերազմի վերաբերյալ նրանց դիրքորոշումը լրջորեն քննադատելով՝ մենք պարզաբանել ենք մեր սկզբունքային դիրքորոշումները, այդ թվում՝ այսպես կոչված հետկանչի մեխանիզմի վերաբերյալ։ Երկու կողմերն էլ հանդիպմանը եկել են կոնկրետ գաղափարներով, որոնց տարբեր ասպեկտներ քննարկվել են։ Պայմանավորվածություն է ձեռք բերվել, որ այս հարցի շուրջ խորհրդակցությունները կշարունակվեն», – նշել է Քազեմ Ղարիբաբադին։
Իրանի ներկայացուցիչները հանդիպել են Մեծ Բրիտանիայի, Ֆրանսիայի և Գերմանիայի ներկայացուցիչների հետ Թուրքիայի Ստամբուլ քաղաքում։
