Իրանի ԱԳ նախարարությունը կոչ է անում Կիևին չտրվել երրորդ կողմի ազդեցությանը, որը փորձում է փչացնել երկու երկրների հարաբերությունները
Իրանի դեսպանի հավատարմագրումը չեղարկելու և Ուկրաինայում Իրանի դիվանագիտական անձնակազմի թիվը կրճատելու Ուկրաինայի որոշման պատճառով Իրանը հայտնում է իր մտահոգությունը և կոչ է անում Կիևին չտրվել երրորդ կողմի ազդեցությանը, որը փորձում է փչացնել երկու երկրների հարաբերությունները։ Տեղեկությունը տարածում է «Ռոյթերս»-ը։
Ինչպես երեկ հայտարարել է Ուկրաինայի արտաքին գործերի նախարարությունը, այս որոշումը կայացվել է ի պատասխան Իրանի կողմից Ռուսաստանին անօդաչու թռչող սարքերի մատակարարման։
Միևնույն ժամանակ, Կիևը պնդում է, որ Թեհրանի կողմից անօդաչու թռչող սարքերի մատակարարումը Ռուսաստան հակասում է Իրանի կառավարության կողմից բացահայտ հայտարարված չեզոքությանը և Ուկրաինայի ինքնիշխանությանն ու տարածքային ամբողջականությանը աջակցելուն։
Լրատվամիջոցների տեղեկություններով՝ հավատարմագրման չեղարկումից հետո Ուկրաինայում Իրանի դեսպանը չի կարողանա կատարել իր պարտականությունները և պետք է վերադառնա Թեհրան։