Իրանը սպառնում է Իսրայելին Լիբանանում ռազմական գործողության դեպքում: Այս մասին նշված է Իրանի արտաքին գործերի նախարարության մամուլի խոսնակ Նասեր Քանաանիի տարածած հայտարարության մեջ։

«Սիոնիստական ​​ռեժիմի ցանկացած հիմար գործողություն կարող է հանգեցնել տարածաշրջանում անկայունության, անապահովության և պատերազմի ընդլայնման։ Իսրայելը պատասխանատվություն է կրելու անցանկալի հետևանքների և նման հիմար պահվածքի արձագանքի համար»,- ասված է հայտարարության մեջ։

Հիշեցնենք, որ հուլիսի 27-ին Գոլանի բարձունքների հյուսիսում իրականացված օդային հարձակման արդյունքում, վերջին տվյալներով, զոհվել է մինչև 12 մարդ, այդ թվում՝ երեխաներ։ Մոտ 30 մարդ վիրավորվել է։ Իսրայելի պաշտպանության բանակը հայտնել է, որ հրթիռն ընկել է ֆուտբոլի դաշտի վրա, որտեղ երեխաները խաղում էին: Իսրայելը կատարվածի համար մեղադրում է Հեզբոլլահին , ինչը «Հեզբոլլահը» կտրականապես հերքում է։