«Իրակլի Շոթաձեն լքում է Վրաստանի գլխավոր դատախազի պաշտոնը. Պատճառը նրա առողջական վիճակն է».- այս մասին հայտարարություն է տարածել անձամբ Շոթաձեն: Հայտարարության մեջ կարդում ենք .

«Ես պետք է հաշվի առնելով բժիշկների առաջարկությունները ինձ համար ամենադժվար որոշումը կայացնեմ ։ Սպասվում է, որ բուժման գործընթացը կտևի մի քանի ամիս և արդեն մեկ շաբաթից ավելի է, ինչ գտնվում եմ արտերկրում։ Ուստի, հաշվի առնելով ստեղծված իրավիճակը, ինձ համար անհնար է շարունակել գլխավոր դատախազի լիազորությունների իրականացումը։ Այդ պատճառով ես արդեն հրաժարականի դիմում եմ ներկայացրել Վրաստանի խորհրդարան։

Ինձ համար մեծ պատիվ էր ծառայել իմ երկրին և ես հպարտ եմ այն ​​ներդրմամբ, որ մենք տարիների ընթացքում իմ գործընկերների հետ ներդրել ենք դատախազության բարեփոխումների և զարգացման, հանցավորության դեմ պայքարի և բարեփոխումների, քրեական արդարադատության քաղաքականության գործում : Բարեփոխումների առումով ուշագրավ է հատկապես դատախազության ինստիտուցիոնալ անկախության ամրապնդումը, որի արդյունքում Վրաստանի դատախազությունը արդարադատության նախարարության ենթաբաժինից վերածվեց անկախ ինստիտուտի։ Ստեղծվեց դատախազական խորհուրդ։

Հարկ է նշել առանձին հանցագործությունների դեմ պայքարի ուղղությամբ իրականացված բարեփոխումները, մասնավորապես դատախազների և քննիչների մասնագիտացումը, ինչը մի շարք հանցագործությունների դեմ արդյունավետ պայքարում կարևոր հաջողության նախապայման դարձավ։ Շնորհակալ եմ իմ գործընկերներին մի շարք հաջողված նախագծերի և միջազգային ասպարեզում ճանաչման համար»,- ասվում է Շոթաձեի հայտարարության մեջ։

Օրենսդրության համաձայն՝ մեկ ամսվա ընթացքում դատախազության խորհուրդը պետք է ընտրի գլխավոր դատախազության թեկնածուներին։ Խորհուրդը համապատասխան հիմնավորումներով թեկնածուին կներկայացնի խորհրդարանին։ Օրենսդիր մարմինը գլխավոր դատախազին ընտրում է 6 տարի ժամկետով՝ ամբողջական կազմի մեծամասնությամբ։