Վրաստանի գլխավոր դատախազ Իրակլի Շոթաձեն հանդիպում է ունեցել Վրաստանում Իրանի Իսլամական Հանրապետության դեսպան Մահմուդ Ադիբի հետ։
Հանդիպմանը մասնակցել են Վրաստանի գլխավոր դատախազի տեղակալ Նաթիա Մերեբաշվիլին, Միջազգային հարաբերությունների և իրավական ապահովման վարչության պետ Իրակլի Չիլինգարաշվիլին և Իրանի Իսլամական Հանրապետության դեսպանության ներկայացուցիչներ։
Ներածական հանդիպմանը կողմերը խոսել են Վրաստանի դատախազության աշխատանքի առանձնահատկությունների և փոխադարձ համագործակցության հարցերի մասին։
Տեղեկությունը տարածում է Վրաստանի դատախազության մամուլի ծառայությունը։