Կառավարության տնտեսական թիմի և մրցակցային գործակալության ներկայացուցիչները հանդիպել են վառելիքի խոշոր ներկրողների հետ։

Կողմերը քննարկել են վառելիքի գների իջեցման համար երկրում առկա հնարավորությունները։

Մրցակցային գործակալության ղեկավար Իրակլի Լեքվինաձեի խոսքով, ներկրողները բաց են թողել ապրիլին գնի նվազեցման ռեսուրսը։

«Մենք մեր մոնիտորինգի արդյունքները ներկայացրել ենք խոշոր բրենդային նավթային ընկերություններին։ Ցավոք, ապրիլին գնի նվազման որոշակի հավանականություն կար, երբ դրա ռեսուրսը կար։ Չնայած այսօր միջազգային շուկայում գները բավականին բարձր են, և մենք դրա մի մասն ենք և դա արտացոլվում է գների վրա։ Համենայնդեպս մենք հույս ունենք, որ էժան ռեսուրսներ ու աղբյուրներ գտնելով ու հաշվի առնելով այն խնդիրները, որոնց միջով այսօր անցել ենք, օգտակար որոշումներ կկայացվեն բնակչության համար։ Բնականաբար, ընկերություններն ունեն իրենց դիրքորոշումը, բայց կարծում ենք, որ ապրիլին կար ռեսուրս, որ մի փոքր ճշգրտված, բայց հաճախորդի համար ավելի ընդունելի գին լիներ։ Մենք կշարունակենք վերահսկել վառելիքի շուկան և կաշխատենք նաև որոշակի հանձնարարականների վրա»,- ասել է Իրակլի Լեքվինաձեն։