Ընտրական մանիպուլյացիաներից, ճնշումներից և բռնությունից պաշտպանվելու լավագույն միջոցը բարձր մասնակցությունն է, որքան հնարավոր է շատ մարդ պետք է գա ընտրություններին, – տեղական ինքնակառավարման մարմինների ընտրություններում քվեարկելուց հետո լրագրողներին ասաց «Լելո – Հզոր Վրաստան» և «Գախարիա հանուն Վրաստանի » կուսակցությունների Թբիլիսիի քաղաքապետի միասնական թեկնածու Իրակլի Կուպրաձեն։

Ինչպես նշեց Կուպրաձեն, Թբիլիսիի և Վրաստանի ճակատագիրը որոշում են իրենք՝ ընտրողները։

«Եթե դուք չեք ուզում անցյալը և ուզում եք ազատել մայրաքաղաքը կոռուպցիայից, անարդարությունից, ուզում եք այս քաղաքն ու երկիրը՝ առանց քաղբանտարկյալների, կոռուպցիայի, անարդարության, անօրինականության, անկարողության, ապա անպայման պետք է գնաք ընտրատեղամասեր։ Գնացեք և քվեարկեք Վրաստանի ապագայի համար, ոչ թե անցյալի, այլ ապագայի։ Ձևակերպումը պարզ է՝ ձեր մայրաքաղաք Թբիլիսիի և ամբողջ Վրաստանի ճակատագիրը որոշվում է միայն դուք, հուսանք՝ խաղաղ ճանապարհով։ Դրա համար դուք պետք է գնաք ընտրատեղամասեր, հայտնեք ձեր աջակցությունը քաղաքական կուսակցությանը, այն քաղաքական թեկնածուներին, ովքեր խոսում են ապագայի մասին։ Նրանք չեն տրտնջում, այլ ունեն կոնկրետ ծրագիր, որով կարող են աջակցել քաղաքացիներին, վերացնել մեր շուրջը տիրող աղքատությունը, անարդարությունը և կոռուպցիան», – նշել է Կուպրաձեն։