Իրակլի Կովզանաձեն և Պավել Հերչինսկին խոսել են Վրաստանի և Եվրամիության միջև առևտրատնտեսական հարաբերությունների մասին
Վրաստանի խորհրդարանի ֆինանսաբյուջետային կոմիտեի նախագահ Իրակլի Կովզանաձեն հանդիպել է Վրաստանում Եվրամիության դեսպան Պավել Հերչինսկու հետ։ Հանդիպմանը մասնակցել է նաև Ֆինանսաբյուջետային կոմիտեի նախագահի առաջին տեղակալ Պաատա Կվիժինաձեն։
Վրաստանի խորհրդարանի մամուլի ծառայության հաղորդմամբ, Իրակլի Կովզանաձեն դեսպանին է ներկայացրել կոմիտեի գործառույթներն ու ընթացիկ տարվա ծրագրերը։ Զրույցն անդրադարձել է 2023 թվականի պետական բյուջեի առաջնահերթություններին, երկրի մակրոտնտեսական պարամետրերին, դրամավարկային կայունությանը, ֆինանսաբանկային համակարգի կայունությանը։ Ինչպես նշել է Իրակլի Կովզանաձեն, վերջին երկու տարիներին երկիրը երկնիշ տնտեսական աճ է գրանցել։
«Կարծում եմ, որ 2023 թվականը Վրաստանի տնտեսության համար կլինի հետագա աճի տարի»,- ասել է կոմիտեի նախագահը։
Հանդիպմանն ընդգծվել է Վրաստանի և Եվրամիության միջև առևտրատնտեսական հարաբերությունների և ներդրումային հնարավորությունների հետագա ընդլայնման կարևորությունն ու հեռանկարները։