Վրաստանի վարչապետ Իրակլի Կոբախիձեն շնորհավորել է մուսուլման քաղաքացիներին Կուրբան բայրամի կապակցությամբ։

Կառավարության ղեկավարը նշում է, որ մահմեդական համայնքը Վրաստանի պատմության, մշակույթի և ներկայի անբաժանելի մասն է։

«Սրտանց շնորհավորում եմ Վրաստանի մահմեդական քաղաքացիներին Կուրբան Բայրամի՝ խաղաղության, ներդաշնակության, հույսի և բարության հաղթանակի տոնի առթիվ։

Մահմեդական համայնքը Վրաստանի պատմության և մշակույթի անբաժանելի մասն է: Ձեր աշխատանքով և երկրին հավատարմությամբ դուք անգնահատելի ներդրում ունեք մեր հայրենիքի առաջընթացի գործում։ Ուստի ձեր ուրախությունը յուրաքանչյուրիս ուրախությունն է։

Միանում եմ ձեր ընտանիքներում այսօր տիրող տոնական տրամադրությանը և մաղթում խաղաղություն և բարեկեցություն»,- ասված է վարչապետի շնորհավորական ուղերձում։