Վրաստանի վարչապետ Իրակլի Կոբախիձեն շնորհավորել է ադրբեջանցի հայրենակիցներին Նովրուզ Բայրամի տոնի առթիվ։

Կառավարության ղեկավարը նախագահ Միխեիլ Ղավելաշվիլիի և խորհրդարանի նախագահ Շալվա Պապուաշվիլիի հետ միասին մասնակցել է Նովրուզ Բայրամին նվիրված տոնական միջոցառումներին Մառնեուլիում։

Վարչապետը դիմել է ադրբեջանցի համաքաղաքացիներին՝ մաղթելով խաղաղություն և բարգավաճում։

«Նովրուզ Բայրամը նորացման, բարության տոն է: Մենք հպարտանում ենք դարավոր համակեցությամբ, բարեկամությամբ, որը կապում է մեզ՝ քրիստոնյաներին և մահմեդականներին, վրացիներին և ադրբեջանցիներին: Սա իսկապես հպարտ հարաբերություններ և բարեկամություն է: Երկար տարիներ մենք միասին ենք կերտում մեր ընդհանուր երկրի ապագան խոյ և մաղթում ամենայն բարիք, խաղաղություն և բարգավաճում»,- ասել է Իրակլի Կոբախիձեն:

Վարչապետն այցելել է տոնի առթիվ Մառնեուլիի կենտրոնում ստեղծված ցուցահանդեսային տարածք և էթնոանկյուն, ներկա է գտնվել նաև մարզական և մշակութային տարբեր միջոցառումների։

Ադրբեջանցի հայրենակիցներին Նովրուզ Բայրամի տոնի առթիվ շնորհավորել են Վրաստանի նախագահ Միխեիլ Ղավելաշվիլին, խորհրդարանի նախագահ Շալվա Պապուաշվիլին, Հաշտեցման և քաղաքացիական իրավահավասարության հարցերով պետնախարար Լեա Ախվլեդիանին, Քվեմո Քարթլիի նահանգապետ Գիորգի Դոխտուրիշվիլին և օրենսդրական մարմնի ներկայացուցիչները։