Վրաստանի վարչապետ Իրակլի Կոբախիձեն հանդիպել է Վրաստանում դիվանագիտական առաքելություն իրականացնող Մեծ Բրիտանիայի դեսպան Մարկ Քլեյթոնի հետ։
Կառավարության աշխատակազմի տեղեկատվության համաձայն՝ հրաժեշտի հանդիպմանը ընդգծվել է Վրաստանի և Միացյալ Թագավորության միջև ռազմավարական գործընկերությունը, նշվել է նաև Միացյալ Թագավորության կարևոր ներդրումը Վրաստանի պետական ինստիտուտների ամրապնդման գործընթացում։
Նրանց հաղորդմամբ՝ վարչապետը շնորհակալություն է հայտնել դիվանագետին՝ Վրաստանին ցուցաբերած աջակցության համար և հաջողություն մաղթել հետագա աշխատանքում։