Վրաստանի վարչապետի թեկնածու Իրակլի Կոբախիձեն հայտարարել է, որ իր կինը՝ Նատալյա Մոծոնելիձեն, կլքի Պետական-մասնավոր համագործակցության գործակալության նախագահի պաշտոնը։

Կոբախիձեին հարցրել են, թե արդյոք նրա ընտանիքի անդամը կլքի իր պաշտոնը։

«Իհարկե, շահերի բախում չի լինի: Օրենսդրությունը նախատեսում է նաև համապատասխան միջոցներ, բայց եթե նույնիսկ դա չնախատեսեր, բնականաբար, բոլոր ֆորմալ և ոչ ֆորմալ շահերի բախումները կբացառվեին»,- ասել է Իրակլի Կոբախիձեն։

Ինչպես հայտնի է, հանրային-մասնավոր համագործակցության գործակալությունը հանրային իրավունքի իրավաբանական անձ է, որը հաշվետու է Վրաստանի վարչապետին։ Պաշտոնական տեղեկատվության համաձայն՝ հանրային-մասնավոր համագործակցության գործակալության նախագահին նշանակում և պաշտոնից ազատում է Վրաստանի վարչապետը։