Իրակլի Կոբախիձեն հանդիպել է Վրաստանում Եվրամիության դեսպան Պավել Հերչինսկու հետ
«Վրացական երազանքի» նախագահ Իրակլի Կոբախիձեն հանդիպել է Վրաստանում Եվրամիության դեսպան Պավել Հերչինսկու հետ։
«Վրացական երազանք» կուսակցության մամուլի ծառայության փոխանցմամբ՝ Իրակլի Կոբախիձեն շնորհակալություն է հայտնել Պավել Հերչինսկուն աջակցության համար և նշել, որ դեսպանի ջանքերը զգալի ներդրում են ունեցել Եվրահանձնաժողովի դրական որոշման մեջ։
Հանդիպմանը քննարկվել են Վրաստան-Եվրամիություն համագործակցության հարցերը և Եվրոպական հանձնաժողովի կողմից հաստատված նոր հանձնարարականների կատարման հետ կապված ծրագրերը։