Վրաստանի վարչապետ Իրակլի Կոբախիձեն հանդիպել է Թուրքմենստանի նախագահ Սերդար Բերդիմուհամեդովի հետ։

Դեմ առ դեմ հանդիպման ընթացքում զրույցն անդրադարձել է Վրաստանի և Թուրքմենստանի միջև բարեկամական հարաբերություններին և տարբեր ոլորտներում համագործակցությանը։ Նշվել է երկկողմ քաղաքական և տնտեսական կապերի զարգացման դրական դինամիկան։

Կողմերը կարևորել են կապի և Միջին միջանցքի զարգացումը։ Վարչապետը խոսել է տրանսպորտային և լոգիստիկ նախագծերի մասին, որոնք նպատակ ունեն էլ ավելի ամրապնդել Վրաստանի տարանցիկ գործառույթը։ Հանդիպմանը քննարկվել են նաև տրանսպորտի և էներգետիկայի ոլորտներում համագործակցության հետագա զարգացման հեռանկարները։

Իրակլի Կոբախիձեն նշել է, որ Վրաստանը ողջունում է Թուրքմենստանի ակտիվ ջանքերը՝ ուղղված Կենտրոնական Ասիայում խաղաղության ապահովմանը, և խոսել է Վրաստանի կառավարության խաղաղության քաղաքականության մասին։

Վարչապետը շնորհակալություն է հայտնել Թուրքմենստանի նախագահին՝ միջազգայնորեն ճանաչված սահմաններում Վրաստանի տարածքային ամբողջականությանն ու ինքնիշխանությանը աջակցելու համար։

Հանդիպման ընթացքում նշվել է, որ պաշտոնական այցի շրջանակներում ոլորտային գերատեսչությունների միջև համաձայնագրերի ստորագրումը կնպաստի համագործակցության ոլորտների հետագա ընդլայնմանը։

Իրակլի Կոբախիձեն Սերդար Բերդիմուհամեդովին հրավիրել է պաշտոնական այցով Վրաստան։

Թուրքմենստանի նախագահը Թուրքմենստանի նախարարների կաբինետում հյուրընկալել է Վրաստանի վարչապետին։

Տեղեկությունը տարածում է Վրաստանի կառավարության վարչակազմը։