Վրաստանի վարչապետ Իրակլի Կոբախիձեն հանդիպել է Ամերիկայի Միացյալ Նահանգների դեսպան Ռոբին Դաննիգանի հետ։
Հանդիպմանը վարչապետն իր անձնական հարգանքն է հայտնել դեսպանի նկատմամբ և մտահոգություն հայտնել ԱՄՆ Պետդեպարտամենտի երեկվա որոշման առնչությամբ, որը նախատեսում է պատժամիջոցներ և վիզային սահմանափակումներ կիրառել Վրաստանի քաղաքացիների, այդ թվում՝ ոստիկանների նկատմամբ։
Նշվել է, որ այս որոշմամբ ամերիկյան կողմը մոտեցել է կրիտիկական սահմանի, որը նմանատիպ մեկ այլ որոշման կայացման դեպքում կարող է հանգեցնել վրաց-ամերիկյան հարաբերությունների նկատմամբ Վրաստանի դիրքորոշման որակական վերանայման։
Հանդիպմանը նշվել է, որ ԱՄՆ Պետդեպարտամենտի անունից ընդունված որոշումը նպատակաուղղված է ընտրություններից առաջ ընդդիմության շանսերը բարելավելուն, սակայն այն լիովին հակաարդյունավետ է, քանի որ իրականում դա չի օգնի ընդդիմության ընտրական արդյունքներին և ոչ էլ վախեցնել իշխող թիմին:
Ինչպես հայտարարել է վարչապետը, ընդհակառակը, ղեկավար թիմը վստահ է, որ Պետդեպարտամենտի անունից ընդունված որոշումը ավելի կամրապնդի հասարակության մոտիվացիան՝ հոկտեմբերի 26-ին ամուր կանգնելու Վրաստանի անկախությունն ու ինքնիշխանությունը պաշտպանելու համար։
Տեղեկությունը տարածում է կառավարության ղեկավարությունը։