Իրակլի Կոբախիձեն հանդիպել է Ռոբերտ Ֆիցոյին
Վրաստանի վարչապետ Իրակլի Կոբախիձեն Եվրոպական քաղաքական միության գագաթնաժողովի շրջանակներում հանդիպել է Սլովակիայի վարչապետ Ռոբերտ Ֆիցոյին։
Վրաստանի կառավարության վարչակազմի հաղորդմամբ՝ հանդիպման ընթացքում քննարկվել է համագործակցությունը երկկողմ և բազմակողմ ձևաչափերով, ինչպես նաև երկու երկրների ընդհանուր մարտահրավերները։
«Վարչապետները հաստատել են գործընկերության հետագա խորացման պատրաստակամությունը», – նշված է հաղորդագրությունում։