Վրաստանի վարչապետ Իրակլի Կոբախիձեն հանդիպել է Aqualia-ի և GWP-ի ներկայացուցիչների հետ: Կառավարության աշխատակազմի մամուլի ծառայության հաղորդմամբ, քննարկվել են ջրային ռեսուրսների ռազմավարական կառավարման և պետության կողմից բնական ռեսուրսների արդյունավետ օգտագործման հարցերը։

«Շեշտադրվել է 24-ժամյա ջրամատակարարման ապահովման անհրաժեշտությունը և այդ նպատակին հասնելու համար առկա մարտահրավերների հաղթահարման անհրաժեշտությունը: Քննարկվել է ենթակառուցվածքների հիմնարար նորացման կարևորությունը, այդ թվում՝ հնացած ջրամատակարարման համակարգի փոխարինումը, նոր մաքրման կայանների կառուցումը և ժամանակակից տեխնոլոգիաների ներդրումը։

Վարչապետը շնորհակալություն է հայտնել Aqualia-ի ներկայացուցիչներին կատարված ներդրումների համար և խոստացել պետության աջակցությունը», – ասվում է կառավարության աշխատակազմի մամուլի ծառայության հաղորդագրության մեջ։