Իրակլի Կոբախիձեն համաշխարհային առաջնորդների հետ միասին կմասնակցի Բեռլինում կայանալիք Ուկրաինայի վերականգնմանը նվիրված համաժողովին
Վրաստանի վարչապետ Իրակլի Կոբախիձեն համաշխարհային առաջնորդների հետ միասին կմասնակցի Ուկրաինայի վերականգնման համաժողովին (URC2024), որը կանցկացվի հունիսի 11-12-ը Բեռլինում։
Կառավարության վարչակազմի մամուլի ծառայության փոխանցմամբ՝ միջոցառման հիմնական նպատակն է մոբիլիզացնել միջազգային աջակցությունը Ուկրաինայի վերականգնման, վերակառուցման, բարեփոխումների և արդիականացման համար։
«URC2024-ը կենտրոնանալու է չորս թեմատիկ ոլորտների վրա. մասնավոր հատվածի մոբիլիզացում վերականգնման և տնտեսական աճի համար։ Սոցիալական վերականգնում և մարդկային կապիտալ Ուկրաինայի ապագայի համար. մունիցիպալիտետների և մարզերի վերականգնում, Եվրամիությանն անդամակցելը և հարակից բարեփոխումները:
Համաժողովի շրջանակում կքննարկվեն նաեւ մակրոտնտեսական կայունությունն ու անվտանգությունը, ենթակառուցվածքները, բնակարանային ապահովությունը, էներգետիկան, շրջակա միջավայրի պահպանությունը, առողջապահությունը, կրթությունը եւ այլն։
Բարձր մակարդակի քաղաքական միջոցառմանը կմասնակցեն պետությունների և կառավարությունների ղեկավարներ, նախարարներ, միջազգային կազմակերպությունների և ֆինանսական հաստատությունների, բիզնեսի և քաղաքացիական հասարակության ներկայացուցիչներ։
Կառավարության ղեկավարը Բեռլին է մեկնել պատվիրակության հետ, որի կազմում են արտաքին գործերի նախարար Իլիա Դարչիաշվիլին և կառավարության վարչակազմի ղեկավար Լևան Ժորժոլիանին։