Վրաստանի վարչապետ Իրակլի Կոբախիձեն Բաքվում մասնակցում է Կլիմայի փոփոխության հարցերով ՄԱԿ-ի 29-րդ համաժողովին (COP29):

Համաժողովին մասնակցող առաջնորդներին հյուրընկալում են ՄԱԿ-ի գլխավոր քարտուղար Անտոնիո Գուտիերեշը և Ադրբեջանի Հանրապետության նախագահ Իլհամ Ալիևը։

Վրաստանի վարչապետը մասնակցել է Կլիմայական գործողությունների համաշխարհային առաջնորդների գագաթնաժողովի բացման նիստին և պետությունների և կառավարությունների ղեկավարների բարձր մակարդակի հանդիպման բացմանը։

Գագաթնաժողովի մասնակից պետությունների ղեկավարներն ավանդաբար համատեղ լուսանկարել են արել։

Համաժողովի շրջանակներում նախատեսված է Իրակլի Կոբախիձեի ելույթը COP29-ի առաջնորդների գագաթնաժողովում, ինչպես նաև պանելային քննարկումներ, որոնք կանցկացվեն կլոր սեղանի ձևաչափով՝ տարբեր թեմաներով։

Վրաստանի կառավարության ղեկավարը COP29-ին մասնակցում է պատվիրակության հետ միասին, որի կազմում են առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին, արտաքին գործերի նախարար Իլիա Դարչիաշվիլին և կառավարության վարչակազմի ղեկավար Լևան Ժորժոլիանին։

Տեղեկությունը տարածում է կառավարության աշխատակազմի մամուլի ծառայությունը։