Վրաստանի վարչապետ Իրակլի Կոբախիձեն այսօր կմասնակցի Եվրոպական քաղաքական միության գագաթնաժողովին, որը տեղի կունենա Հունգարիայի մայրաքաղաք Բուդապեշտում։

Վրաստանի վարչապետի մամուլի ծառայությունից հայտնում են, որ եվրոպական քաղաքական միության հինգերորդ գագաթնաժողովում քննարկվելիք հիմնական թեման Եվրոպայի անվտանգության մարտահրավերներն են։

Գագաթնաժողովը ներառում է թեմատիկ քննարկումներ միգրացիայի և տնտեսական անվտանգության, կապի, էներգետիկայի և տրանսպորտի, տեղեկատվական տեխնոլոգիաների և համաշխարհային առևտրի վերաբերյալ:

Այսօր նախատեսված է վարչապետ Իրակլի Կոբախիձեի ելույթը պանելային քննարկման ժամանակ, որի հիմնական թեման տնտեսական անվտանգությունն ու կապն է։

Վրաստանի վարչապետը պատվիրակության հետ միասին կմասնակցի Եվրոպական քաղաքական միության հինգերորդ գագաթնաժողովին, որի կազմում են արտաքին գործերի նախարար Իլիա Դարչիաշվիլին և կառավարության վարչակազմի ղեկավար Լևան Ժորժոլիանին։