Իրակլի Կոբախիձեն այցելել է Դիդի Դիղոմիի նոր բազմաֆունկցիոնալ հասարակական կենտրոնը
18:30, 17.10.2024
Վրաստանի վարչապետ Իրակլի Կոբախիձեն մայրաքաղաքի քաղաքապետ Կախա Կալաձեի հետ միասին ուսումնասիրել է Դիդի Դիղոմիի նոր բազմաֆունկցիոնալ հասարակական կենտրոնը։
Կենտրոնում կաշխատեն մեծ և փոքր լողավազաններ, մարզասրահ, չոր սաունա, բասկետբոլի, վոլեյբոլի, բռնցքամարտի, ըմբշամարտի, ձյուդոյի և մարմնամարզության խմբակներ։
Շենքում գործում է մեդիա գրադարան, ձայնագրման ստուդիա, սպորտային վերականգնողական կենտրոն, աշակերտական-երիտասարդական կենտրոն և սրճարան-բար։ Ամբողջական շահագործումից հետո կենտրոնն ամեն ամիս կսպասարկի մինչև 10 000 քաղաքացու։
Նախագծի ընդհանուր արժեքը կազմում է 17 186 593 լարի։
