Իրակլի Կոբախիձե - Եթե Թրամփը հաղթի ընտրություններում, Ուկրաինայում պատերազմն ավելի շուտ կավարտվի, և, համապատասխանաբար, մեր տարածաշրջանը կհանդարտվի, ինչը կփոխի վերաբերմունքը մասնավորապես Վրաստանի նկատմամբ
Եթե Թրամփը հաղթի ընտրություններում, Ուկրաինայում պատերազմն ավելի շուտ կավարտվի, և, համապատասխանաբար, մեր տարածաշրջանն ավելի շուտ կհանդարտվի, ինչը կփոխի վերաբերմունքը մասնավորապես Վրաստանի նկատմամբ,- այս մասին լրագրողներին ասել է Վրաստանի վարչապետ Իրակլի Կոբախիձեն։
Ինչպես նշել է Կոբախիձեն, ամերիկացի ժողովուրդը պետք է որոշի, թե ով է լինելու ԱՄՆ նախագահը։
«Նախ մենք, իհարկե, չենք կարող միջամտել որեւէ մեկի ընտրություններին։ Ավելին, մենք չենք կարող միջամտել նման մեծ երկրի՝ ԱՄՆ-ի նախագահական ընտրություններին, դա մեր գործը չէ։ Միակ բանը, որ կարելի է ասել, այն է, որ եթե Թրամփը հաղթի այս ընտրություններում, Ուկրաինայում պատերազմն ավելի շուտ կավարտվի, և, համապատասխանաբար, մեր տարածաշրջանն ավելի շուտ կհանդարտվի, ինչը կփոխի վերաբերմունքը մասնավորապես Վրաստանի նկատմամբ։ Եթե տարածաշրջանում խաղաղություն լինի, Վրաստանի նկատմամբ վերաբերմունքը նույնպես կփոխվի։ Սա այն ամենն է, ինչ կարելի է ասել դրա մասին։ Մնացածը Ամերիկայի ժողովրդի ընտրությունն է։ Ամերիկացի ժողովուրդը պետք է որոշի, թե ով է լինելու ԱՄՆ նախագահը»,- ասել է Իրակլի Կոբախիձեն։
Ջո Բայդենը հանել է իր թեկնածությունը 2024 թվականի նախագահական ընտրություններում և ասել, որ աջակցում է փոխնախագահ Քամալա Հարիսին որպես դեմոկրատ թեկնածու առաջադրելուն։
Սակայն ԱՄՆ նախագահի թեկնածու Դոնալդ Թրամփը հայտարարել է, որ «ավելի հեշտ կլինի հաղթել Քամալա Հարիսին, քան Բայդենին»։
