«Ես լավատես եմ և հավատում եմ, որ հաջորդ տարվա սկզբից ԱՄՆ-ի հետ հարաբերությունները կսկսեն որակապես բարելավվել»,- լրագրողներին ասել է Վրաստանի վարչապետ Իրակլի Կոբախիձեն։

Իրակլի Կոբախիձեին հարցրել են ԱՄՆ-ից ֆինանսավորման դադարեցման մասին, ինչին վարչապետը նշել է, որ դա տխուր որոշում է։

«Սա շատ տխուր որոշում է, որի մասին նաև խոսել եմ Ուզրա Զեյայի հետ ։ Նման որոշումները չեն նպաստում առողջ հարաբերությունների: 3-4 տարվա ընթացքում Վրաստանում գործընթացները զարգացան այնպես, որ որակապես որոշակի դժվարություններ ստեղծվեցին հարաբերություններում, այդ հարաբերությունները պետք է վերսկսվեն ու բարելավվեն։ Նման որոշումները չեն օգնում վերականգնել հարաբերությունները: Այս ամենը շատ տխուր է, սակայն, ես լավատես եմ և առավելագույնը հավատում եմ, որ հաջորդ տարվա սկզբից հարաբերությունները կսկսեն որակապես բարելավվել»,- ասել է Իրակլի Կոբախիձեն։