Երբ եվրոպացի դեսպանը իրեն թույլ է տալիս նման բան, որ բնակարանը վարձում է ընդդիմության առաջնորդներից մեկից, սա վկայում է այն մասին, որ արդեն ոչինչ չի մնացել այն արժեքներից, որոնք անցյալում բնորոշ էին եվրոպական բյուրոկրատիային, – այս մասին լրագրողներին հայտարարել է Վրաստանի վարչապետ Իրակլի Կոբախիձեն։

Ինչպես նշել է Իրակլի Կոբախիձեն, դեսպանի այս գործողությունը վկայում է այն մասին, որ արժեքները մաշվել են եվրոպական բյուրոկրատիայում։

«Երբ այս ամենին ավելանում է այն, որ նման դեսպանը նախ վարձում է բնակարան կոնկրետ ընդդիմադիր գործիչից, ապա Բոլնիսում հետևում է այդ ընդդիմադիր գործչին՝ փաստացի մասնակցելով նախընտրական միջոցառմանը, և երբ նա ուղղակիորեն ներգրավված է այլ տեսակի ընդդիմադիր գործունեության մեջ, այս ամենը լայն իմաստով վկայում է կոռուպցիայի մասին, որը, ցավոք, խորապես արմատավորված է այսօրվա եվրոպական բյուրոկրատիայում», – նշել է Իրակլի Կոբախիձեն։