Իրակլի Կոբախիձե. Երբ երկիրը կառավարում էր «հակառուսական իշխանությունը», 20 տոկոսը հանձնվեց Ռուսաստանի Դաշնությանը
Երբ երկիրը կառավարում էր այսպես կոչված հակառուսական իշխանությունը, 20 տոկոսը հանձնվեց Ռուսաստանի Դաշնությանը,- ասել է «Վրացական երազանքի» նախագահ Իրակլի Կոբախիձեն։
Նրա խոսքով, «Վրացական երազանքի» իշխանության օրոք երկիրը տարածք չի կորցրել:
«Մենք տասը տարի է, ինչ իշխանություն ենք և առաջին կառավարությունն ենք, որի օրոք ոչ մի պատերազմ չի եղել, և Ռուսաստանը տարածքային առաջընթաց չի ունեցել։ «Ազգային շարժման» իշխանության օրոք 20 տոկոսը փոխանցվել է Ռուսաստանի Դաշնությանը: Երբ երկիրը կառավարում էր այսպես կոչված հակառուսական իշխանությունը, 20 տոկոսը հանձնվեց Ռուսաստանի Դաշնությանը։ Մեր իշխանության օրոք մենք ուշադիր ծանոթանում ենք ամեն ինչին, դիտարկում ենք, և համապատասխան արձագանք ունենք»,- ասել է Կոբախիձեն։