Ներկայումս մեր երկիրն աշխարհի ավելի քան 200 օլիմպիական թիմերի մեջ զբաղեցնում է 14-րդ տեղը, ինչը մեծ հաջողություն է մեր փոքր երկրի համար, դրա համար մենք շնորհակալություն ենք հայտնում օլիմպիական հավաքականի յուրաքանչյուր անդամի»,- ասել է Վրաստանի վարչապետ Իրակլի Կոբախիձեն կառավարության այսօրվա նիստում:

Վարչապետը մեկ անգամ ևս շնորհավորել է Լաշա Բեքաուրին օլիմպիական ոսկե մեդալի, իսկ Տատո Գրիգալաշվիլիին՝ օլիմպիական արծաթե մեդալի կապակցությամբ։ Կառավարության ղեկավարը նշել է, որ այսօր մրցելու են վրացի երկու օլիմպիականներ՝ ձյուդոիստ Իլիա Սուլամանիձեն և բռնցքամարտիկ Լաշա Գուրուլին և հաջողություն մաղթել նրանց։

«Օլիմպիական խաղերում մեր ելույթը երեկ շատ հաջող էր։ Ուզում եմ ևս մեկ անգամ շնորհավորել Լաշա Բեքաուրին երկրորդ օլիմպիական ոսկե մեդալի կապակցությամբ, Լաշան կատարում է իր խոստումը, երեք տարի առաջ նա մեզ խոստացավ, որ երեք օլիմպիական ոսկի է նվաճելու, իսկ երեկ արդեն երկրորդ ոսկին նվաճեց։ Ուզում եմ շնորհավորել նրան և ամբողջ մեր երկրին այս արտասովոր հաջողության կապակցությամբ։ Եվս մեկ անգամ ցանկանում եմ շնորհավորել Տատո Գրիգալաշվիլիին Օլիմպիական խաղերի արծաթե մեդալի կապակցությամբ: Ներկայումս մեր երկիրն օլիմպիական հավաքականում զբաղեցնում է 14-րդ տեղը 200-ից ավելի երկրների շարքում, ինչը մեծ հաջողություն է մեր փոքրիկ երկրի համար, ես շնորհակալություն եմ հայտնում յուրաքանչյուր անդամի: Այսօր մրցում են մեր օլիմպիականներից երկուսը`ձյուդոյում Իլիա Սուլամանդիձեն , ինչպես նաև բռնցքամարտիկ Լաշա Գուրուլին: Երկուսն էլ շատ լավ շանսեր ունեն, և ես ցանկանում եմ հաջողություն մաղթել երկուսին, ինչպես նաև ողջ թիմին առաջիկա օրերին»,- ասել է վարչապետը։