Վրաստանի և Ուկրաինայի իշխանությունների միջև առկա դժվարությունները չեն խանգարի ուկրաինացի ժողովրդին առավելագույն օգնություն ցուցաբերելու մեր ջանքերին,- վրացի լրագրողներին ասել է Վրաստանի վարչապետ Իրակլի Կոբախիձեն Բեռլինում, որտեղ նա մասնակցում է Ուկրաինայի վերականգնմանը նվիրված համաժողովին:

Իրակլի Կոբախիձեի խոսքով՝ ոչ մի քաղաքական որոշում չի կարող խանգարել Վրաստանի կառավարության պատասխանատվությունը՝ հոգ տանել ուկրաինացի ժողովրդի մասին։

«Իշխանությունների միջեւ դժվարություններ կան։ Այս ամենի պատճառը, ըստ էության, կոնկրետ որոշումներն էին։ Դրանցից, հիշում եք, Վրաստանից հետ է կանչվել Ուկրաինայի դեսպանը, Ուկրաինայում Վրաստանի դեսպանի փաստացի արտաքսումը Ուկրաինայից։ Ես կասեի, որ դրանք ճիշտ քայլեր չէին, բայց, իհարկե, դա չի խանգարի ուկրաինացի ժողովրդին առավելագույն օգնություն ցուցաբերելու մեր ջանքերին։ Ոչ մի քաղաքական որոշում չի կարող կանգնել ուկրաինացի ժողովրդի մասին հոգ տանելու մեր պատասխանատվության առաջ»,- ասել է Իրակլի Կոբախիձեն։

Վրաստանի վարչապետ Իրակլի Կոբախիձեն համաշխարհային առաջնորդների հետ միասին մասնակցում է Բեռլինում անցկացվող Ուկրաինայի վերակառուցման համաժողովին (URC2024)։ Միջոցառման հիմնական նպատակն է մոբիլիզացնել միջազգային աջակցությունը Ուկրաինայի վերականգնման, վերակառուցման, բարեփոխումների և արդիականացման համար: