Վրաց ժողովրդի ընտրությունը եղել է «Վրացական երազանքը»՝ հոկտեմբերին անցկացված խորհրդարանական ընտրությունների ժամանակ, և բոլորը պետք է հարգեն վրաց ժողովրդի ընտրությունը, – այս մասին հայտարարել է Վրաստանի վարչապետ Իրակլի Կոբախիձեն Անթալիայում վրացի լրագրողների հետ զրույցում։

Կառավարության ղեկավարը պատասխանել է PACE-ի կողմից ընդունված բանաձևի վերաբերյալ հարցին, որի կապակցությամբ Իրակլի Կոբախիձեն նշել է, որ այդ բանաձևը քիչ հետաքրքրություն է ներկայացնում։

«Ժամանակին մենք որոշում ընդունեցինք դադարեցնել մեր գործունեությունը PACE-ում՝ ելնելով այն ամբողջովին սխալ մոտեցումից, որով ընդունվեց նախկին բանաձևը։ Բոլորը պետք է հարգեն վրաց ժողովրդի ընտրությունը։ Վրաց ժողովուրդը հոկտեմբերին անցկացված խորհրդարանական ընտրությունների ժամանակ ընտրեց «Վրացական երազանք» կուսակցությունը։ Այս ամենը տեղի ունեցավ՝ չնայած մեր ընտրություններին արտասահմանյան միջամտությանը։ Այդ ժամանակ ԵՄ դեսպանը բացահայտ հայտարարություններ էր անում «Վրացական երազանքի» դեմ՝ ընտրություններից մի քանի օր առաջ։ Դա ուղիղ և կոպիտ միջամտություն էր մեր ընտրական գործընթացում։ Նմանապես, այլ եվրոպացի և ամերիկացի պաշտոնյաներ ուղիղ կերպով խառնվում էին ընտրական գործընթացին։ Մենք բոլորս միասին հաղթեցինք այդ ընտրություններում, ոչ թե մենք, առաջին հերթին վրացական հասարակությունը, որը հաղթեց բոլոր այն ուժերին, որոնք փորձում էին հակադրվել մեր անկախությանը, ազատությանը և Վրաստանի ազգային շահերին։ Հետևաբար, բոլորը պետք է հաշտվեն այն փաստի հետ, որ նրանց միջամտության դեմ պայքարելով՝ Վրաստանում հաղթանակեց ողջամիտ միտքը, հաղթանակեց հասարակության վճռական կամքը, և երկիրը շարունակում է զարգանալ ճիշտ ուղղությամբ։ Նրանք պետք է հարգեն վրաց ժողովրդի ընտրությունը», – հայտարարել է վարչապետը։