Այն բանից հետո, երբ «Վրացական երազանքը» հայտարարեց իր դիրքորոշման մասին, ընդդիմությունը այս անձին ռուսամետ հայտարարեց։ Սա երկրորդ դեպքն է։ Ժամանակին Սաակաշվիլին Թինի Քոքսին հայտարարում էր որպես Կրեմլի գործակալ, այժմ «Մթավարի ալիքը» հայտարարում է նրան որպես Կրեմլի գործակալ,- այս մասին ասաց «Վրացական երազանքի» նախագահ Իրակլի Կոբախիձեն։

Կոբախիձեի խոսքով, ոչ ոք չի կասկածում Քոքսի հեղինակության վրա։

«Նրանք ավելի հեռուն գնացին և ասացին, որ բոլոր նրանք, ովքեր աջակցել են Թինի Քոքսի ընտրությունը, խաղում են Կրեմլի խաղը։ Ես ուզում եմ ձեզ ասել, որ Թինի Քոքսի ընտրությանը աջակցել է Եվրոպայի խորհրդի խորհրդարանական վեհաժողովի 80 տոկոսը։ Ձայները բաշխվել են 80-20 տոկոսայնությամբ։ Ուստի շատ պարզ է, թե որքանով են հիմնավոր այն մեղադրանքները, որոնք երբեմն հնչում են Սաակաշվիլիի կողմից, երբեմն էլ նրա հեռուստաընկերություններից։ Քոքսի հեղինակության վրա ոչ ոք չէր կասկածում, և սա է հիմնական պատճառը, որ նա ուներ 80 տոկոս աջակցություն»,- ասել է Կոբախիձեն։

Թինի Քոքսը երկրորդ անգամ ընտրվեց Եվրոպայի խորհրդի խորհրդարանական վեհաժողովի նախագահ։ Քոքսի թեկնածությունը աջակցել է 175 պատգամավոր։ Նախագահի երկրորդ թեկնածուն ուկրաինացի Ալեքսանդր Մերեժկոն էր, ով հավաքեց 44 ձայն։