Իրակլի Կոբախիձե. Վիզայի ազատականացման առումով որևէ փոփոխություն պետք չէ սպասել, գոյություն ունի մի կոնկրետ հանձնարարություն, որը Մարգուս Ցահկնան կատարել է, Ցահկնան պետք է զբաղվի իր սեփական երկրով
«Վիզայի ազատականացման մասով որևէ փոփոխություն պետք չէ սպասել։ Ցահկնան «խորքային պետության» հանձնարարության կատարողներից մեկն է, որը երբեմն հնչեցնում է, իր կարծիքով, վախեցնող ուղերձներ, սակայն հասարակությունը դրանով չի վախեցել և ապագայում էլ չի վախենա», – այս մասին հայտարարեց Վրաստանի վարչապետ Իրակլի Կոբախիձեն լրագրողներին։
Վրաստանի Հանրային Հեռուստաընկերության լրագրողը Իրակլի Կոբախիձեին հարց ուղղեց Էստոնիայի արտգործնախարար Մարգուս Ցահկնայի հայտարարության վերաբերյալ, որտեղ Ցահկնան կոչ է անում Եվրոպական միությանը սկսել Վրաստանի հետ վիզայի ազատականացման չեղարկման գործընթացը։
«Այս մարդն այնքան ոչ լուրջ է, որ չեմ կարող լուրջ մեկնաբանություն տալ նրա վերաբերյալ։ Ինչ վերաբերում է վիզայի ազատականացմանը, ապա այստեղ որևէ փոփոխություն պետք չէ սպասել։ Սա «խորքային պետության» հանձնարարության կատարողներից մեկն է, որը երբեմն հնչեցնում է, իր կարծիքով, վախեցնող ուղերձներ, սակայն հասարակությունը նախորդ տարիներին դրանով չի վախեցել և ապագայում էլ չի վախենա։ Ցահկնան էլ պետք է զբաղվի իր երկրով։ Այս հարցը բացարձակապես անհամապատասխան է ներկայիս իրողություններին, պարզապես մի կոնկրետ հանձնարարություն է, որը Էստոնիայի արտգործնախարարը կատարել է», – նշեց Իրակլի Կոբախիձեն։
