Իրակլի Կոբախիձե - Շնորհավորում եմ ուսումնական տարվա մեկնարկի կապակցությամբ: Որակյալ կրթությունը երկրի միասնության, զարգացման և ուժի անկյունաքարն է: Կրթության աջակցությունը մնում է կառավարության գերակա խնդիրը
Սիրելի՛ աշակերտներ, ուսանողներ, հարգարժան ուսուցիչներ և ծնողներ, սրտանց շնորհավորում եմ ձեզ ուսումնական տարվա մեկնարկի կապակցությամբ։ Հատկապես շնորհավորում եմ նրանց, ովքեր այս տարի առաջին անգամ բացեցին դպրոցի կամ համալսարանի դռները,- այս մասին Facebook-ում գրում է Վրաստանի վարչապետ Իրակլի Կոբախիձեն։
Ինչպես նշում է կառավարության ղեկավարը, կրթության շարունակական գործընթացը քննադատական մտածողությունը զարգացնելու, սեփական կարողությունները գիտակցելու և արժանի քաղաքացի դառնալու միջոց է։
«Սիրելի՛ աշակերտներ, ուսանողներ, հարգարժան ուսուցիչներ և ծնողներ, սրտանց շնորհավորում եմ ձեզ ուսումնական տարվա մեկնարկի կապակցությամբ։ Հատկապես շնորհավորում եմ նրանց, ովքեր այս տարի առաջին անգամ բացեցին դպրոցի կամ համալսարանի դռները և սկսեցին կյանքի ամենապատասխանատու և, միևնույն ժամանակ, հետաքրքիր փուլերից մեկը։ Կրթության անընդհատ գործընթացը քննադատական մտածողության զարգացման, սեփական կարողությունների ճանաչման և, ամենակարևորը, արժանի քաղաքացի դառնալու ուղի է։ Այս ճանապարհին ապագա սերնդի հիմնական ուղեկիցները ուսուցիչներն ու դասախոսներն են։ Շնորհակալություն եմ հայտնում նրանց անխոնջ աշխատանքի համար։ Շնորհակալություն ծնողներին և ընտանիքներին, որոնց աջակցությունն ու օգնությունը մեծ ուժ են իրենց երեխաների համար։ Ժամանակակից աշխարհի մարտահրավերների ֆոնին հենց որակյալ կրթությունն է մեր երկրի միասնության, զարգացման և ուժի անկյունաքարը։ Հետևաբար, կրթության աջակցությունը մնում է մեր կառավարության գերակա խնդիրը։ Մաղթում եմ ձեզ հետաքրքիր և հաջող նոր ուսումնական տարի», – նշում է Իրակլի Կոբախիձեն։
